Táan u júutul le k-tocha'

Táan u júutul le k-otocha’ Táan u júutul le k-otocha’ in paalale’ex Jump’éel k’iin Wa tun tia’al u taal u sáastal Wa tun tia’al u taal u chíinil k’ine’ Ma’ in wojel máax si’ip’ u yóole’e ka’a tu tsáank’altaj u joolnajil, Tu cha’aj u lo’obol u táankabil, U na’akal áak’o’ob yóok’ol u tsíikil. In wa’alike’ min taal xan yum iik’e’ Ka’a tu walk’esaj u pakjo’olil. Táan u júutul le k-taanajo’ paalale’ex. Wa ka’a a wile’exe’ táan u káajal u níikil u pak’lu’umil, Ts’o’ok u chíikpajal u ch’ala’atel, Láaj jenchaj u k’óobentuunichil, Búut’ le x-nuk káat jach ki’ u síistal u ja’ay ka’ache’. Táan u júutul le k-taanajo’ paale’ex. Yóok’ol u tsíikile’ junkúul j-ma’a subtal kóopo’ Ts’o’ok u chen ch’inkubáa ka’anal. U ch’ija’an okoy ja’ayle’ Ti’ ku pe’ekekaab lu’ume’. Ts’uukul u chúun u yokmal Kóots u yaak’il u jíilil, Táan a jaanta’al u joonajil tumeen k’amas. Táan u júutul le k-otoche’ paale’ex. U nikte’ilo’ob, Ku ki’ibokaankil t-kuxtal ka’ach tia’al u taal u píik’ile’ Súuto’ob chen bini’it xíiwil. U táankabile’, P’áat chen x-tokoy táankab Mina’an u p’aak’alilo’ob Xu’ul tuláakal che’ ku yichaankil. Mina’an nikte’ ki’ibokaankil Le xíiw’o’ob ku ts’aakankile’ Chen bey u pe’ekelkaabo’, Bey ba’al mina’an u beelale’. Le wa jayp’éel k-nu’ukulo’ob K-k’a’abetkuunsik ka’ach tia’al k-meyajtik k-kuxtale’ Múuko’ob ich lu’um, Ts’úuk u yooko’ob, Tu yiitsintuba’obe’ ka’a la’abi. Táan u júutul le k-otoche’ paale’ex. U ts’ook u yajile’ Mix u chíikul a pe’echak’e’ex tin wilaj Taaliken in chan xíimbalte’ex Tia’al in wa’alikte’ex. In paalale’ex Táan u júutul le k-otoche’… Táan u láaj júutul le k-otoche’.

Se nos está desbaratando Se nos está desbaratando la casa hijo míos, Cierto día por la madrugada O quizás por la tarde, Yo no sé quien sin miramientos llegó y de un golpe clausuró la puerta Permitió que se enyerbe el patio, Que la enredadera se trague la techumbre. Luego quizás el viento sopló Y se voló el pakjo’olnaj. Se nos está desbaratando la casa hijos míos. Si vieran, Ya se desmorona el embarrado y se le miran las costillas, las piedras fogón destruidas, aquellas tinaja de aguas frescas se llenó de basura. Se nos está desbaratando la casa hijos míos. Una desvergonzada planta de álamo se yergue altiva Sobre las palmas del techo. Sus añejas telarañas ahumadas Yacen como inmundicias en suelo. Se han podrido sus horcones Las ataduras de los jíil Se han reventado La puerta carcomida por el comején. Se nos está desbaratando la casa hijos míos. Aquellas flores Que perfumaban Nuestras madrugadas Hoy son solo yerba mala. El patio No es más que tierra aciaga Sin jardín ni huerta, Ya no hay flores perfumadas, Y las plantas medicinales Ya son solo inmundicias, Como cosas inservibles. Los pocos utensilios Que bastaban para trajinar nuestras vidas o los enterró el olvido o se le pudrieron las patas o el óxido los correó. Se nos está desbaratando la casa hijos míos. Y lo que más duele Es hallar borradas las huellas de sus pisadas Ahora que vine a visitarles Para advertirleds que, Se nos está desbaratando la casa… Se nos está desbaratando la casa hijos míos.